نبني لك متجر شوبيفاي جاهز يبيعلك، مو بس نسويلك موقع تصميمه حلو
نبني متجرك على منصة شوبيفاي من الصفر: الشكل، وصفحات المنتجات، ومسار البيع من أول زيارة لين وصول الطلب. مع أدوات ترفع قيمة السلة وتخلي كل زائر يستمتع بالتصفح.
الخدمات
كل اللي يحتاجه المتجر عشان يشتغل من أول يوم.
بناء متجر شوبيفاي كامل
تجهيز المتجر من الصفر: الشكل العام، الصفحة الرئيسية، صفحات المنتجات، والتصنيفات. يشتغل صح على الموبايل قبل الكمبيوتر، وباللغتين العربي والإنجليزي.
مسار البيع من الزيارة لين الطلب
نرتب المسار اللي يمشي عليه الزائر خطوة بخطوة: من الإعلان أو البحث، للمنتج، للسلة، لصفحة الدفع. الهدف إن ما يضيع ولا يتردد في أي خطوة.
رفع قيمة الطلب
نمشي على استراتيجيات ترفع من قيمة طلب السلة، مجربة على أكثر من متجر شوبيفاي اشتغلنا عليه: من طريقة العروض والباقات، إلى صورة المنتج والوصف، إلى المنتجات المقترحة وحد الشحن المجاني. نفس عدد الزوار، فاتورة أعلى.
ربط أدوات التشغيل
الدفع الإلكتروني (بوابات الدفع المحلية والبطاقات وأبل باي)، شركات الشحن، واتساب للطلبات والاستفسارات، وربط أدوات التتبع والإعلانات عشان تعرف تتبع مصدر مبيعاتك وزوار الموقع.
تحسين ظهورك في محركات البحث والذكاء الاصطناعي
نظبط متجرك عشان يطلع في نتائج قوقل وباقي محركات البحث، وعشان أدوات الذكاء الاصطناعي تلقاه وترشحه لما أحد يسأل عن منتجات مثل منتجاتك. الشغل يشمل بناء الصفحات وترتيبها، والكلمات اللي يدور عليها زبونك فعلاً، وأوصاف المنتجات، وسرعة المتجر.
ومع المتابعة الأسبوعية نراقب ترتيبك على الكلمات المستهدفة، ونحدّث المحتوى، ونرسل لك تقرير يبين التحسن وشنو الخطوة الجاية.
ليش شوبيفاي
نشتغل على منصة شوبيفاي بس. خبرتنا فيها أكثر من أربع سنوات، وحققنا فيها نتائج أفضل من باقي المنصات.
منصة جاهزة ومجرّبة
ما نبني لك موقع من الصفر يحتاج مبرمج كل ما تبي تعديل. شوبيفاي منصة يشتغل عليها ملايين المتاجر حول العالم، ومستقرة ومحدّثة باستمرار.
تديره بسهولة من موبايلك
المنتجات والطلبات والمخزون والشحن والتقارير كلها بلوحة تحكم وحدة وبتطبيق على الموبايل. تضيف منتج أو تتابع طلب بدون ما تحتاج كمبيوتر.
ربط بوابة الدفع بسهولة
بوابات الدفع المحلية والبطاقات وأبل باي، وربط مع شركات الشحن اللي تخدم منطقتك. نضبطها ونجربها كلها قبل الإطلاق.
تكبر معك
نفس المتجر يشيل عشرة منتجات أو عشرة آلاف، وتفتح فيه سوق جديد أو لغة جديدة بدون ما تعيد بناء كل شي من أول.
طريقة عملنا
أربع خطوات واضحة، تعرف بكل مرحلة شنو نسويلك وشنو محتاجين منك، ونعطيك التحديثات الأخيرة أول بأول وإحنا نبني متجرك.
-
01
جلسة واستشارة مجانية أولى
ناخذ تفاصيل منتجاتك وعملائك وطريقة بيعك الحالية، ونحدد التغييرات اللي بنسويها بالضبط. ونوريك الفرق قبل وبعد على متجرك الحالي، بمكالمة مدتها من عشر دقايق إلى ربع ساعة.
-
02
تجهيز المواد
نرسل لك قائمة مرتبة بكل اللي نحتاجه منك: صور وأسماء وأسعار المنتجات وباقي التفاصيل، وتعبيها على راحتك. ونرتب لك المواد ونجهزها حق متجرك.
-
03
التنفيذ
نبني المتجر كامل، ونركب بوابة الدفع والشحن والأدوات المهمة لرفع متوسط قيمة السلة. نختبر كل شي قبل التسليم النهائي، وتوصلك نسخة تراجعها وتعطينا ملاحظاتك عليها قبل الإطلاق.
-
04
التسليم والتدريب
نطلق المتجر ونمشي معاك خطوة بخطوة على إضافة المنتجات ومتابعة الطلبات وإدارة المتجر بنفسك، والحساب بيكون باسمك من أول يوم. ونرسل لك فيديو تدريب على لوحة التحكم: كيف تستقبل الطلبات، وكيف تعرف قيمة الطلب، وباقي التفاصيل.
مدة التسليم؟ من أسبوعين إلى ثلاثة تقريباً، من استلام كل تفاصيل منتجاتك.
سعر الخدمة؟ السعر يتحدد بعد الجلسة أو الاستشارة المجانية الأولى، بعد ما نعرف شنو عندك بالضبط، وشنو تحتاجه فعلاً، وشنو المشاكل اللي تواجهها.
ليش واجهة
تخصص
متخصصين بمنصة شوبيفاي، خبرة أربع سنوات، واشتغلنا على مواقع بمجالات مختلفة وطلعت بنتائج ممتازة. وهذا اللي راح يخلي متجرك يطلع صحيح من أول مرة.
خدمة كاملة
تسلمنا الشغل ونسلمك متجر جاهز تشتغل عليه، بدون ما تحتاج مصممين ومبرمجين.
المتجر ملكك بالكامل
المتجر بإسمك، ونعلمك تدير المتجر بنفسك من إضافة المنتجات وغيرها. وإذا احتجتنا، إحنا موجودين نخدمك.
احجز استشارتك المجانية
مكالمة مدتها عشر دقايق، نفهم منك أكثر عن تفاصيل متجرك والخدمة اللي محتاجها أو المشاكل اللي تواجهها.
أسئلة شائعة
كم يكلف إنشاء متجر شوبيفاي؟
يعتمد على عدد منتجاتك والأشياء اللي جاهزة عندك من صور وغيرها. السعر يتحدد بعد المكالمة أو الاستشارة الأولى المجانية، وبعدها يوصلك عرض السعر.
كم ياخذ وقت بناء المتجر؟
من أسبوعين إلى ثلاثة أسابيع من أول ما نستلم كل التفاصيل منك. وأكثر سبب للتأخير يكون نقص الصور أو تفاصيل المنتجات.
هل شوبيفاي يدعم طرق الدفع المحلية اللي موجودة بدولتي؟
إي نعم يدعمها، ونربط لك بوابات الدفع اللي قاعد تستخدمها حالياً ونفعّلها لك بدون تدخل منك.
عندي متجر شوبيفاي موجود، تقدرون تطورونه؟
إي نعم نقدر. نراجع المتجر الحالي ونحدد شنو المشاكل اللي فيه ونقدر نحلها: نطور لك من الأقسام وصفحات المنتجات، أو إذا كنت تواجه ضعف في رفع متوسط قيمة الطلب. نشتغل ونطور الأمور اللي تسوي فرق كبير وياك.
وين تشتغلون؟
نشتغل بأي متجر من أي دولة بالعالم.
هل أقدر أدير المتجر بنفسي بعد التسليم؟
إي نعم تقدر، وهذا الهدف. نعلمك على الموقع عشان ما ترجع لنا عند كل تعديل، وإذا احتجتنا إحنا جاهزين نخدمك.
شنو الفرق بينكم وبين مصمم مواقع عادي؟
مصمم المواقع يسلمك شكل. إحنا نسلمك متجر شغّال: بوابة دفع مربوطة، وشحن مضبوط، وصفحات منتجات مكتوبة عشان تبيع، وأدوات ترفع متوسط قيمة السلة، وتدريب تدير فيه المتجر بنفسك. الفرق إن شغلنا يتقاس بالطلبات مو بالشكل.
شنو أكثر سبب يخلي متجر شوبيفاي ما يبيع؟
أكثر شي نشوفه: صفحة منتج ما تجاوب على أسئلة الزبون، وخطوات دفع طويلة أو فيها مفاجآت بالشحن، وصور ما توضح المنتج، وعدم وجود أي شي يرفع قيمة السلة. الزيارات تكون موجودة، بس المسار نفسه يسرّب الزبون قبل ما يكمل.
تظبطون ظهور المتجر في قوقل؟
نعم، وهي خدمة إضافية برسوم منفصلة. نجهز المتجر عشان يظهر في محركات البحث وفي أدوات الذكاء الاصطناعي، ومعها متابعة أسبوعية وتقرير يبين التحسن.
تواصل معنا
ارسل لنا فكرة مشروعك على واتساب ونرد عليك بالتفاصيل والخطوة الجاية.
- واتساب / هاتف +965 6619 3710
- البريد الإلكتروني wajhaeco@gmail.com
- إنستقرام @wajha.ecommerce